Газрын тос боловсруулах үйлдвэрийн бүтээн байгуулалтыг эрчимжүүлэх ажлын хэсгийг дэд сайд Б.Мөнхтамир ахална
“ЭРДЭНЭС ТАВАНТОЛГОЙ” ХК-ИЙН АЖИЛТНУУД “БОНЗ”-ЫН СУРГАЛТАД ХАМРАГДЛАА
Монгол Улсын хөгжлийн тэргүүлэх чиглэл нь боловсрол гэдгийг Ерөнхий сайд онцлов
Зөвшөөрөл олгох үйл ажиллагаанд үүсдэг хүндрэл, олон давхар шат дамжлагыг бууруулах эрх зүйн зохицуулалтыг бүрдүүллээ
Т.Балжинням: Баавгай агнах зөвшөөрөл олгосноос хойш зургаан баавгай агнасан
УИХ-ын дарга С.Бямбацогт: Утааг бууруулах биш, утаанаас бүрэн салах зорилготой ажлын хэсэг байгууллаа
Дэлхийн эмэгтэй парламентчид Улаанбаатарт чуулна
ЯМААНЫ ГОДРОН ӨВЧНӨӨС УРЬДЧИЛАН СЭРГИЙЛЭХ ВАКЦИНЫГ ДОТООДДОО ҮЙЛДВЭРЛЭХЭД ШААРДАГДАХ 1.5 ТЭРБУМ ТӨГРӨГИЙГ ШИЙДВЭРЛЭЛЭЭ
Эрхүүд үүссэн нөхцөл байдалтай холбогдуулан эрсдэлийн үнэлгээ хийжээ
2026 оны III улирлын байдлаар 7.415.455 зөрчил бүртгэгджээ
Өмнөд Хятадын тэнгист нисэх онгоц тээгч илгээсэн нь өдөөн хатгалга гэв
Umhii hujaa nar aral baiguulj bolood bhad uur yah bil de? Ix hutsah nee
Б.СЭВЖИДМАА
АНУ Өмнөд Хятадын тэнгис рүү өнгөрсөн бямба гарагт нисэх онгоц тээгч “USS Carl Vinson” хөлгөө илгээсэн нь өдөөн хатгалга гэж Хятадын төрийн төв хэвлэлийн нэг “Global Times”-ын цахим хуудаст бичжээ. Энэ явдал хоёр улсын хооронд цэргийн мөргөлдөөн гаргахад ч хүргэж болзошгүй гэж тэнгисийн цэргийн эксперт Ли Жиэ тус сайтад өгүүлжээ. Тэрээр АНУ-ын одоогийн Ерөнхийлөгч Д.Трамп Б.Обаматай харьцуулвал Өмнөд Хятадын тэнгист илүү эрсдэлт алхам хийж байгаа тул Хятад улс дипломат шугамаар хэлэлцээ хийхийн зэрэгцээ цэрэг армийн хувьд ч бэлтгэлтэй байх ёстой гэж бичжээ.
Ерөнхийлөгч Д.Трампын томилсон, Цагаан ордны ахлах стратегич Стив Бэннон ойрын 10 жилийн дотор Өмнөд Хятадын тэнгист дайн гарна хэмээн ажлаа авахаасаа өмнө ярилцлага өгч байсан нь анхаарал татаж буй. Ер нь, Трампын захиргаа гарснаас хойш энэ бүс нутаг урьдаас илүү эрсдэлтэй болж хувирсан. Хоёр улсын дайны талбар болж магадгүй гэж олны сэрэмжлэх болсон Өмнөд Хятадын тэнгист хятадууд долоон арал бий болгож, бүгдэд нь зэвсгийн системээ суурилуулсан гэдэг мэдээлэл бий. Тийм ч учраас АНУ-ын шинэ Төрийн нарийн бичгийн дарга тэдгээр арал руу Хятадын хөлөг онгоцуудыг ойртуулах ёсгүй гэж үзэж байгаагаа өмнө нь хэлж байсан.
Ийнхүү Хятад-АНУ-ын халуун цэг болоод буй Өмнөд Хятадын тэнгис рүү АНУ 97 мянган тонны даацтай Карл Винсон хөлгөөс гадна “USS Wayne E. Meyer” хэмээх пуужин устгагчаа ч илгээжээ. Карл Винсоны тухайд 60 онгоц тээх багтаамжтай, тэр дунд “F/A-18” сөнөөгч онгоцууд ч байгаа юм.
АНУ байлдааны хөлгүүдээ Өмнөд Хятадын тэнгис рүү илгээсэн нь хуваарьт ажил үүргээ гүйцэтгэж буй хэрэг гэж тус улс тайлбарласан ч Бээжингийн зүгээс энэ явдлыг улсынх нь тусгаар тогтносон бүрэн бүтэн байдлыг хөндөх гэсэн оролдлого гэж үзэж, эрс эсэргүүцэж байна.
АНУ Өмнөд Хятадын тэнгис рүү өнгөрсөн бямба гарагт нисэх онгоц тээгч “USS Carl Vinson” хөлгөө илгээсэн нь өдөөн хатгалга гэж Хятадын төрийн төв хэвлэлийн нэг “Global Times”-ын цахим хуудаст бичжээ. Энэ явдал хоёр улсын хооронд цэргийн мөргөлдөөн гаргахад ч хүргэж болзошгүй гэж тэнгисийн цэргийн эксперт Ли Жиэ тус сайтад өгүүлжээ. Тэрээр АНУ-ын одоогийн Ерөнхийлөгч Д.Трамп Б.Обаматай харьцуулвал Өмнөд Хятадын тэнгист илүү эрсдэлт алхам хийж байгаа тул Хятад улс дипломат шугамаар хэлэлцээ хийхийн зэрэгцээ цэрэг армийн хувьд ч бэлтгэлтэй байх ёстой гэж бичжээ.
Ерөнхийлөгч Д.Трампын томилсон, Цагаан ордны ахлах стратегич Стив Бэннон ойрын 10 жилийн дотор Өмнөд Хятадын тэнгист дайн гарна хэмээн ажлаа авахаасаа өмнө ярилцлага өгч байсан нь анхаарал татаж буй. Ер нь, Трампын захиргаа гарснаас хойш энэ бүс нутаг урьдаас илүү эрсдэлтэй болж хувирсан. Хоёр улсын дайны талбар болж магадгүй гэж олны сэрэмжлэх болсон Өмнөд Хятадын тэнгист хятадууд долоон арал бий болгож, бүгдэд нь зэвсгийн системээ суурилуулсан гэдэг мэдээлэл бий. Тийм ч учраас АНУ-ын шинэ Төрийн нарийн бичгийн дарга тэдгээр арал руу Хятадын хөлөг онгоцуудыг ойртуулах ёсгүй гэж үзэж байгаагаа өмнө нь хэлж байсан.
Ийнхүү Хятад-АНУ-ын халуун цэг болоод буй Өмнөд Хятадын тэнгис рүү АНУ 97 мянган тонны даацтай Карл Винсон хөлгөөс гадна “USS Wayne E. Meyer” хэмээх пуужин устгагчаа ч илгээжээ. Карл Винсоны тухайд 60 онгоц тээх багтаамжтай, тэр дунд “F/A-18” сөнөөгч онгоцууд ч байгаа юм.
АНУ байлдааны хөлгүүдээ Өмнөд Хятадын тэнгис рүү илгээсэн нь хуваарьт ажил үүргээ гүйцэтгэж буй хэрэг гэж тус улс тайлбарласан ч Бээжингийн зүгээс энэ явдлыг улсынх нь тусгаар тогтносон бүрэн бүтэн байдлыг хөндөх гэсэн оролдлого гэж үзэж, эрс эсэргүүцэж байна.
0 Сэтгэгдэл
2017.02.22
