Гарааны бизнесээ эхэлж байгаа бизнес эрхлэгчдийг нэгтгэдэг дэлхийн
хамгийн том хотхон Station F (Стэйшн Эф) Парис хотод байдаг.
Мянга мянган бизнес эрхлэгчид, гарааны бизнесийн хөтөлбөрүүд, хөрөнгө оруулагчид, шинжээчид, өөр бусад хүмүүсийг нэгтгэж, гарааны бизнесийн найдвартай экосистемийг бий болгодог.
Стэйшн Эф олон төрлийн хөтөлбөр хэрэгжүүлдэг бөгөөд үүний нэг нь анх
удаа гарааны бизнесээ эхэлж байгаа залуу бизнес эрхлэгчдийг дэмжих
хөтөлбөр. Энэхүү хөтөлбөрийг нийгмийн сүлжээ болох Фэйсбүүктэй хамтран
хэрэгжүүлж байгаа бөгөөд Фэйсбүүк анх удаагаа гарааны бизнесийн
хөтөлбөрийг Фэйсбүүкийн Гарааны бизнесийн гарааш (Startup Garage)
нэртэйгээр эхлүүлжээ. Тус хөтөлбөр нь 6 сарын хугацаанд үргэлжлэх ба
мэдээллийн санд чиглэгдсэн 10-15 гарааны бизнесийг шалгаруулан авч
Стэйшн Ф-ийн хотхон бэлдэнэ.
Эдгээр гарааны бизнес эрхлэгчид болон
Стэйшн Эф-ийнхэны хувьд Фэйбүүкийн туршлага, шинжээчдээс олон салбарт
суралцах, туршлагаасаа харилцан солилцох боломж нээгдэж байгаа юм.
Фэйсбүүкийн хувьд F8, FBStart зэрэг хөтөлбөрүүдийг санаачлан бизнес эрхлэлтийг дэмждэг ч энэ удаагийн хөтөлбөрийн хөрөнгө оруулалт нь Фэйсбүүкийн хамгийн анхны бодит ажил юм.
