Нийслэлийн Эрүүгийн хэргийн давж заалдах шатны шүүх өнөөдөр С.Зоригийн амь насыг бүрэлгэсэн хэргийг яллагдагч болоод хохирогчийн өмгөөлөгчийн гомдлын дагуу хянаж үзээд анхан шатны шүүхийн шийдвэрийг хэвээр үлдээлээ.
Яллагдагч Б.Содномдаржаа, Ц.Амгаланбаатар нарын мөрдөн байцаалтын шатанд хэргийн тухайд баримтын талаар мэдүүлсэн мэдүүлэг, Б.Содномдаржаагийн өөрийн гараар бичсэн тайлбар зэрэг нь гэрч нарын мэдүүлэг, хэргийн газарт байсан эд мөрийн баримтууд, хэргийн газарт үзлэг хийсэн болоод таньж олуулах ажиллагааны, мэдүүлгийг газар дээр нь шалгасан эсэх тэмдэглэл, хохирогч нарт учирсан гэмтлийн талаарх шинжээчийн дүгнэлттэй тохирсон.
 Мөн яллагдагч нарыг хэргийн газарт байсныг гэрчүүд таньж, мэдүүлсэн, энэ нь гүйцэтгэх ажиллагааны материалаар ч нотлогдсон гэж Давж заалдах шатны шүүхээс үзсэнийг шүүгч С.Соёмбо-Эрдэнэ уншиж танилцуулсан байна.
 Мөрдөн байцаалтын явцад зохих бүх зүйлийг бүрэн шалгасан гэж үзсэн учраас яллагдагчид тэдний өмгөөлөгч, хохирогчийн хуулийн төлөөлөгчийн гаргасан давж заалдах гомдлуудыг хэрэгсэхгүй болгосон байна.