Хүн бүр өнөөдөр бэлэн мөнгө авч явахаас илүү төлбөрийн карт уншуулах сонирхолтой болсон. Иймч учраас Монголбанкнаас гаргасан судалгаагаар төрөл бүрийн төлбөрийн карт ашиглах нь жил бүр нэмэгдэж иржээ. Тухайлбал, өнгөрсөн оны байдлаар арилжааны 11 банк картын үйлчилгээ үзүүлж байна. Ингээд өнгөрсөн онд 2.8 их наяд төгрөгийг картын 65.6 сая удаагийн гүйлгээгээр хийсэн аж.

Монголчууд өдөрт 7.7 тэрбум төгрөгийн гүйлгээ картаар хийж буй юм. Иргэд нийт гурван сая 986 мянга 989 ширхэг төлбөрийн карт ашиглаж байгаа. Үүний 70.5 хувь нь хотуудад, үлдсэн нь хөдөө орон нутагт бий. Тэгвэл хөдөлгөөнт банк буюу мобайл банкыг 2.7, интернет банкыг 1.1 сая хүн тус тус хэрэглэж байна. Мөн цахимаар 24.7 тэрбум төгрөгийн худалдаа хийсэн статистик гарлаа.