НМХГ-аас барилгын газар шорооны ажил гүйцэтгээд хоёр буюу түүнээс дээш жил ямар нэг ажил гүйцэтгээгүй, нийслэлийн өнгө үзэмжид сөрөг нөлөөтэй, ард, иргэдийн эрүүл, аюулгүй орчинд амьдрах нөхцөлийг алдагдуулж байгаа дөрвөн аж ахуйн нэгж, гурван иргэний газар эзэмших эрхийг “Газрын тухай” хуулийн 40 дүгээр зүйлийн 40.1.6 дугаар зүйлийг үндэслэн хүчингүй болгох саналыг Нийслэлийн Засаг даргад хүргүүлэхээр болсноо өнөөдөр дуулгалаа. Эдгээрт,

    1. БГД-ийн 2 дугаар хороо, Гранд плазагийн зүүн талд “Ньюком” ХХК-ийн хоосон хашаа,

    2. СБД-ийн 4 дүгээр хороо, НЗД-ийн 2010.08.20-ны 581 дугаартай шийдвэртэй Иргэн Ш.Оюунгэрэлийн эзэмшлийн газар,

    3. БГД-ийн 8 дугаар хороо, НЗД-ын  2008  оны 298 дугаартай захирамжтай “Шүнди” ХХК-ийн эзэмшлийн газар,

    4. БГД-ийн 8 дугаар хороо, НЗД 2003 оны 283 дугаартай захирамжтай “Номин” ХХК-ийн эзэмшлийн газар,

    5. БГД-ийн 13 дугаар хороо, НЗД-ын 2011.05.30-ны өдрийн 440 дугаарын захирамжтай “Загал буурал” ХХК-ийн эзэмшлийн газар,

    6. БГД-ийн 6 дугаар хороо, НЗД-ийн 2011.02.11-ний 143 дугаартай захирамжтай иргэн П.Ганбатын эзэмшлийн газар,

    7. СБД-ийн 8 дугаар хороо, НЗД-ийн 2010.02.02-ны А/101 захирамжтай иргэн Ц.Даваасүрэнгийн эзэмшлийн газар багтаж буй юм.