Үл мэдэгдэх шингэн уусны улмаас хордсон гурван өвчтөн Өмнөговь аймгийн Бүсийн оношилгоо, эмчилгээний төвийн Эрчимт эмчилгээний тасгаас Гэмтэл хордлогын тасагт шилжсэн талаарх мэдээллийг бид өмнө нь өгсөн. Тэдний биеийн байдал тогтвортой байгаа учир өөрсдийн хүсэлтээр Улаанбаатар хотод ирж үргэлжлүүлэн эмчлүүлэх санал тавьсан байна. Тиймээс тэднийг өнөөдөр Улаанбаатар хотын ХЯТТ-д шилжүүлжээ. Одоогоор тэдний хоёрынх нь биеийн байдал хэвийн, шинжилгээнд нь өөрчлөлт гараагүй учир өнөөдөр эмнэлгээс гаргахаар болсон байна. Харин Өвчтөн “Т”-гийн биохимийн шинжилгээнд вирүсийн шалтгаант элэгний идэвхт үрэвсэл явагдаж байгаа учраас  СХД-ийн Нэгдсэн эмнэлэгт шилжүүлэхээр болсон аж.  Чухам юунаас болж хордсоныг шалгаж байгаа ч эхний байдлаар өвчтний ходоодны угаадаснаас метилийн спирт илэрсэн болохыг холбогдох байгууллагын мэргэжилтнүүд мэдэгдлээ.