Өнгөрсөн шөнө буюу 03 дугаар сарын 20-ноос 21-нд шилжих шөнө Ховд аймгийн нийт нутгаар ахиухан хэмжээний цас орсны улмаас цасан шуурга шуурч зам даваа хаагдаж болзошгүй нөхцөл байдал үүссэн талаар Ховд аймгийн Засаг даргын тамгын газраас мэдээллээ.

Тус аймагт маргаашийг хүртэл цас үргэлжлэн орж, 25-наас агаарын темпратур дулаарах төлөвтэй байгаа аж.

Мөн энэ сарын 26-наас 27-ны өдрүүдэд нутгийн хойд хэсэг болон уулархаг нутгаар дахин цас орох төлөвтэй байгааг УЦУОШГ-аас мэдээлжээ. Одоогийн байдлаар цасны зузаан Жаргалант суманд –7см, Булган суманд-9см, Зэрэг, Мөст сумдад -1см, Манхан, Ховд сумдад 5 см, Дуут, Мянгад сумдад-6см, Алтай, Үенч сумдад 12 см, Мөнхайрхан, Эрдэнэбүрэн сумдад 4 см, Чандмань суманд 2см, Дөргөн, Цэцэг, Дарви сумдад 0,4 см, байгаа аж.