Төв аймгийн Алтанбулаг суманд орших Тавантолгойн цэргийн сургалтын төвд марш тактикийн тэмцээний сургуулилт хийж байсан цэргүүдийн гранат дэлбэрчээ. Үүний улмаас хоёр хүн нас барж, 7 хүн шархадсан байна. Госпиталиас түргэн тусламжийн яаралтай баг гарч, Тавантолгойгоос шархдсан цэргүүдийг авчирсан гэнэ. Хэргийн газарт Зэвсэгт хүчний жанжин штаб болон Цагдаагийн ерөнхий газраас шуурхай бүлэг томилогдон ажиллаж эхэлсэн тухай холбогдох албанаас мэдээлэв.