“100 мянган айлын орон сууц” хөтөлбөрт хамрагдаж буй иргэдээс зээл олгох Төрийн банк барьцаа хөрөнгө шаардаж байсан. Тэгвэл тус банкны зээлийн хороо хуралдаад ах дүү, ээж аавынхаа орон сууцыг түр барьцаанд тавьж болно гэж үзжээ. Ингэхдээ тухайн зээлдэгчийн авах гэж буй орон сууц ашиглалтад орон ордер нь гарвал ах дүүгийнх нь байрыг банкны барьцаанаас чөлөөлөх аж. Нөгөөтэйгүүр, уг барилгыг барьсан компани манайд батлан даалт гаргах боломжтой болох гэнэ.
Түүнчлэн бага, дунд орлоготой иргэдийг орон сууцжуулах эл хөтөлбөрт хамрагдах иргэд эхнээсээ байрандаа орж буй гэнэ. Энэ талаар Төрийн банкны маркетинг хариуцсан ажилтан Г.Болорсүх ”ОССК-иас 1928 хүсэлт ирсэн. Түүнээс 305 харилцагчийн зээлийг шийдвэрлээд байна. Одоо судалж байгаа 250 харилцагчийн 7,5 тэрбум төгрөгийн зээл байна” гэлээ.