Н.БАТ

Англид суух Америкийн Элчин сайд гурван настай нярайг терроризм, тагнуулын хэрэгт шалгах шаардлагатай болж, байцаалтанд дуудсан тухай өчигдөр “Guardian” мэдээлэв. Америкийн виз мэдүүлсэн өвөө нь анкет бөглөх явцдаа нэг тэмдгийн алдаа гаргасан нь ийн Америкийн Элчин сайдын яамныхныг гурван сартай хүүхдээс байцаалт авах гэж дуудахаас өөр аргагүй байдалд хүргэсэн байна.

Бяцхан Харви Кеньон Кейринсийн гэр бүл АНУ руу аялахаар виз мэдүүлэх үед “Та хэзээ нэгэн цагт терроризм, тагнуулыг үйл ажиллагаа явуулахаар төлөвлөж байсан уу” гэх асуултанд 62 настай өвөө нь зөвлөх тэмдэг тавьсан нь ийн олон хүнд ажил нэмжээ. Хачирхалтай нь онгоцоор нисэхээс ердөө хэдхэн цагийн өмнө “хүүд виз олгох боломжгүй” гэсэн хариу элчин сайдын яамнаас өгч тэр байтугай ирж уулзах шаардлагатайг хэлсэн гэнэ. Гэрийнхэн нь ямар алдаа гаргасан бэ хэмээн шүүж эхэлсэн байна.

 “Мэдээжийн алдаа байхад АНУ-ын Элчингийнхэн ойлгож хүлээж аваагүйд үнэхээр итгэхгүй байна. Гурван сартай хүүхэд хэнд ямар хор хохирол учруулах чадалтай байх билээ” хэмээн Кеньон өвгөн толгой сэгсрэн ярьжээ. Түүний хэлснээр Лондон орж, АНУ-ын Элчин сайдын яаманд гурван сартай хүүхэдтэйгээ хамт асуугдах гэж 10 цаг гаруй зарцуулсан нь Англиас Орландо ортол нисэхээс ч хэцүү байсан гэнэ.

“Харви хүү энэ хугацаанд нэг ч удаа уйлаагүй бөгөөд эхлээд бид АНУ-ын Элчин сайдын яамныхан хошигнож байна гэж хүртэл бодсон” хэмээн анкетны нүд андуурч зөвийн тэмдэг тавьсан өвгөн хэлсэн байна. Эцсийн эцэст бүх зүйл сайхан болсон. Хүү мэдээж памперснаас өөр юунд аюул учруулж чадахгүй. Гэхдээ л үүнээс бол түүний эцэг эх 3 еврогийн “торгууль” хүлээсэн гэнэ.  Хүүгээ авч явахын тулд эцэг эх нь ахин бичиг баримт бүрдүүлэх шаардлагатай болсон учраас онгоцны билетээ үхүүлж, ахин шинийг худалдаж авах хэрэгтэй болжээ.