Цагаан сарын үеэр нээлтээ хийсэн Абсолют гэж дэлгүүр хямдхан үнэ, чанартай бараа бүтээгдэхүүнтэй гэж нийслэлийнхэнийг шууруулаад байгаа. Гэхдээ хямдхан үнэ гэсэн маркетингийн цаана хүнсний аюулгүй байдал алдагдаж байна уу гэх сэртхийлгэм мэдээлэл гарч байна. Сүүлийн өдрүүдэд бараа бүтээгдэхүүн нь ямар хадгалалт, эрүүл ахуйн шаардлага хангаж байгаа эсэх дээр эргэлзээтэй мэдээлэл цахим ертөнцөөр гарах боллоо. Тухайлбал, хүүхдүүдийн идэх дуртай жимстэй тараг нь хүн идэх нь байтугай хаяахад ч хөрс бохирдуулам муудсан байгаа тухай нэгэн худалдан авагч өөрийн цахим хуудсандаа бичжээ. Хэрэв хэн нэгэн нь задалж үзэхгүйгээр ухаан суугаагүй бяцхан хүүхдэдээ өгчихсөн бол яана гэх бодол ч төрж байна. Аюулгүй хүнсний баталгаа гэж ярих хэдий ч ачир дээрээ ийм байгааг хаа хаанаа анхаарах цаг болсныг энэ харуулж байна.