Энэ долоо хоногийн даваа гарагийн байдлаар коксжих нүүрсний үнэ нэг үеэ бодвол 6 хувиар буюу 12,40 доллараар буурч 199,40 доллар болсон байна. Австралийн нүүрсний үнэ дөрөвдүгээр сарын эхийг бодвол 20 хувь унаж тонн нь 110 доллар болжээ.

Шинжээчдийн хэлж байгаагаар бол нүүрсний үнэ ийнхүү буурч байгаа нь Австралийн нүүрс олборлох бүс нутаг дахь байгалийн бэрхшээл, үер ус  багасч байгаа, нөгөө талаар нөөц нэмэгдсэнтэй холбогдоод хэрэглэгчдийн эрэлтийн эхний давалгаа өнгөрч тайвширсан зэрэгтэй холбоотой бололтой.

Хятадын гаалийн байгууллагын мэдээгээр бол  тус улсын нүүрсний импорт өнгөрсөн дөрөвдүгээр сард 24,8 сая тонн болсон нь гуравдугаар сарынхаас 31,8 хувь илүү болсон юм байна.