“Хүний хөгжил сан”-гаас сар бүр 21 мянган төгрөг иргэдэд олгож өнгөрсөн зургадугаар сард дуусгавар болсон. Хугацаандаа аваагүй хүмүүс мөнгөө авахаар банкинд очиход санхүүжилт дууссан тул нөхөн олгохгүй байгаа гэсэн яриа чих дэлсэх болов. Сүхбаатар дүүргийн “Хаан”, “Хадгаламж” банкны салбараас энэ талаар лавлахад “Иргэдийн 21 мянган төгрөгийг асуудалгүй олгож байгаа. Хэрвээ зарим иргэнийн дансанд халамжаас мөнгө нь ороогүй бол бид яах ч аргагүй. Хэчнээн хүний дансанд мөнгө нь ороогүйг бид мэдэхгүй” гэсэн хариуг аль, аль нь өгсөн юм. 21 мянган төгрөгөө аваагүй байгаа иргэд өөрийн оршин суугаа хорооны банкны салбарт очин хүссэн үедээ авч болох нь.