Та өөрт тохирсон заяаны ханиа хэрхэн сонгох талаар Австралийн статистикийн байгууллагаас хийсэн судалгааны дүн зөвлөмж өгөх юм байна. Австралийн эрдэмтдийн 2001-2007 онд явуулсан статистик судалгаанд 2.5 мянган хос оролцжээ.  Эрдэмтэд хамгийн бөх бат гэр бүл нь эхнэр нь 25 наснаас багагүй настай, нөхөр нь түүнээс нэг насаар дүү юм уу эсвэл 1-3 насаар ах байж гэрлэсэн хос байдгийг тогтоосон байна.  Энэ нь бидний яриад байдаг нөхөр нь 5-10 насаар ах байж гэмээнэ бат бөх сайхан гэр бүл байдаг гэдэг ухагдахууныг үгүйсгэж байгаа юм. Мөн хосууд үр хүүхэдтэй болох эсвэл үл хүсэх хүсэл нь нэг байж гэмээнэ гэр бүлийн аз жаргалаа хадгалдаг. Харин ажилгүй эрчүүд ямар ч эмэгтэйд сайн хань байж чаддаггүй. Ийм хосын дундуур ихэвчлэн эцэг эх нь орж салгадаг болох нь тодорхой байгаа юм. Хачирхалтай нь монголчуудын гол салалтын шалтаг болдог согтууруулах ундаа австраличуудад нөлөө үзүүлдэггүй гэнэ.  Харин боловсрол, мөнгө хөрөнгө салалтын нэг шалтгаан болдог нь тодорхой гэсэн дүн гарчээ.