Хүүхдийн эрүүл мэндэд эхийн төдийгүй эцгийн сэтгэл санааны байдал нөлөөлдөг болохыг судлаачид тогтоожээ. Эцэг нь стресс ядаргаатай бол охидыг бодвол хөвгүүд хамгийн түрүүнд ядаргаанд ордог байна. Хүүхдүүд ээжтэйгээ ихэнх цагийг өнгөрөөдөг болохоор эцгийн сэтгэл санааны нөлөө тийм ч хүчтэй байхгүй биз гэж бид боддог. Гэтэл үгүй ажээ. Эрчүүдийн ихэнх нь 18-35 насандаа эцэг болдог. Энэ нь тэдний хамгийн их сэтгэлийн дарамттай үе гэнэ. Ийнхүү стресс, ядаргаа ихтэй  аавуудын хүүхдүүд хэт сэтгэл хөөрөлтэй, биеэ барих чадваргүй байдаг нь тогтоогджээ. Хүүхдээ тайван амгалан хүн болж өсөөсэй гэж хүсвэл аав нь тайван байх хэрэгтэй.