Залуу ээжүүд охиндоо хоол хийхийг зааж чаддаггүй. Учир нь өөрсдөө хоол хийхдээ маруухан, энгийн жороор цөөхөн төрлийн хоол хийдэг болохыг судалгаа харуулжээ. Уг судалгаанд 2039 эмэгтэй оролцсон байна. Тэдний зөвхөн 50 хувь нь өөрсдийгөө сайхан хоол хийдэг гэсэн бол таван эмэгтэй тутмын нэг нь охиндоо хоол хийхийг заадаггүй гэжээ. Харин яагаад охиддоо ээж нь ийнхүү зааж сургадаггүй вэ гэвэл охид нь огт хүсдэггүйд хамаг учир байгаа гэнэ. Мөн хамаг сав суулга сэвтүүлж орхино гэж ээжүүд нь болгоомжлон ганцаараа хоол хийсэн нь хавьгүй дээр гэж үздэг байна.