Хүүхдээ юу хийж цагийг өнгөрөөж байгааг эцэг эхчүүд огт сонирхдоггүй нь мэргэжилтнүүдийн санааг зовоож байна. Ялангуяа гэртээ компьютер, интернэттэй бол хүүхдийнхээ хийж байгаа зүйлийг хянаж байх хэрэгтэй гэнэ. Судалгаанд оролцсон эцэг эхчүүдийн 15 хувь нь хүүхдийнхээ ордог сайт, уншдаг мэдээллийг хянадаг гэж хариулжээ. Үлдсэн 85 хувь нь энэ тухай сонирхдоггүй гэж хариулсан нь харамсалтай. Учир нь интернэтээр хүүхдүүдийг гэмт хэрэгт турхирах, элдэв бүлэглэл холбоонд уруу татах, хар тамхи нууцаар наймаалах, биеэ үнэлэх, уулзалт цуглаанд урих нэрээр дээрэм тонуул хийх, улмаар хүний наймааны золиос болгох зэрэг гэмт хэргүүд их хийгдэж байгаа тухай цагдаагийн байгууллага анхааруулж байна. Таагүй зүйлээс урьдчилан сэргийлэхийн тулд дараах дүрмийг баримтлаарай:
1.    Интернэтээр харьцах соёл, болгоомжлолыг хүүхэддээ зааж өгөх
2.    Ямар аюул нүүрлэж болохыг сэрэмжлүүлэх
3.    Компьютерт вирусын сайн программ суулгасан байх
Ямар кино, клип интернэтээр үздэгийг нь хүүхдээсээ асууж байх.