Монгол Улсын Сэлэнгэ мөрөн болон түүний ай сав, цутгалууд дээр Усан цахилгаан станц барих гэж байгаатай холбогдуулан Дэлхийн банкны хяналтын комисс ОХУ-ын Эрхүү мужид ажиллаж байна. Эрхүү мужийн засгийн газрын хэвлэлийн албаны мэдээлснээс үзвэл Монголын барих энэ усан цахилгаан станцуудыг Дэлхийн банк санхүүжүүлнэ гэсэн боловч одоохондоо хөрөнгөө хараахан гаргаагүй байгаа юм байна.

Усан цахилгаан станц барих нь Байгаль нуур, түүний орын байгаль, экэологид ноцтой муу нөлөө үзүүлнэ гэж оросын болон монголын байгаль хамгаалагчид , төрийн бус байгууллагууд гомдол гаргаж, үүнийгээ Дэлхийн банкинд хүргүүлсэн юм.
Дэлхийн банкны комисс газар дээр нь ирж нөхцөл байдалтай танилцах, хоёр талын хүмүүстэй уулзах юм байна. Энд нийгмийн бүхий л төлөөлөл, төрийн бус байгууллагын төлөөлөл, ажилчид, загасчид, фермерүүдтэй уулзана. Комиссынхон үүний өмнө Буриадад ажилласан бол Эрохүү мужид ажилласныхаа дараа Монгол руу явах юм.