Эрчим хүчний яам  Азийн хөгжлийн банкны дэмжлэгтэйгээр “Зүүн хойд Азийн цахилгаан эрчим хүчний нэгдсэн сүлжээний стратеги” техникийн туслалцааны төсөл хэрэгжүүлж эхэллээ. Төслийн зорилго нь Монгол Улсын сэргээгдэх эрчим хүчний нөөцийг бүс нутгийн улсуудын цахилгаан эрчим хүчний сүлжээнд нэгтгэх техникийн дэлгэрэнгүй судалгаа хийх юм.  Уг судалгааны ажлыг Европын эрчим хүчний тэргүүлэх компани болох "Электрисите ди Франс"  гүйцэтгэж байгаа аж.

Энэ төсөл 25 сарын хугацаанд хэрэгжих бөгөөд  нийт зургаан удаагийн уулзалт зохион байгуулна. Үүнд  Хятад, Орос, Япон, БНСУ оролцох юм.
Зүүн хойд Азийн цахилгаан эрчим хүчний системд цэвэр эрчим хүчний хэрэглээг нэмэх, үр ашгийг дээшлүүлэхэд эдгээр уулзалт ач холбогдолтой.
Мөн Монгол Улсын  сэргээгдэх эрчим хүчний арвин их нөөцөд тулгуурласан бүс нутгийн цахилгаан эрчим хүчний  нэгдсэн сүлжээний зураглалыг тодорхойлно.