1957 онд баригдсанаасаа хойш дорвитой засвар хийгдээгүй 100 айлаас Сансар орох зам дахь Сэлбийн хос гүүрний их засварын ажил ид өрнөж байна. Хятад барилгачид барьсан 56 метр урт энэ хос гүүрийг буулган, тулгуур баганыг нь хүчитгэн, зорчих хэсгийг өргөтгөн шинэчлэх юм. Нэг талдаа хоёр эгнээ бүхий зорчих хэсгийг нь гурван эгнээ болгох ба явган хүний зорчих хэсгийг нь ч өргөтгөж аж. Одоогийн байдлаар хос гүүрний баруун хэсгийг буулгажээ. Гүйцэтгэгч “Мотор сервис” компанийн мэдээлж буйгаар есдүгээр сарын 7 гэхэд эхний гүүрийг ашиглалтад оруулан, аравдугаар сарын 15 гэхэд бүрэн дуусгана гэлээ.