Багш нарын цалинг нэмэгдүүлэх түр хорооноос Засгийн газар, Улсын их хуралд хандаж боловсролын салбарын ажилтнуудын цалин хөлсийг нэмэгдүүлэх шаардлага хүргүүлэн тэмцлийн үйл ажиллагааг эхлүүлээд байгаа.

Ерөнхий боловсролын сургууль, цэцэрлэгийн ҮЭ-ийн хороо, МБШУ-ы ҮЭ-ийн холбооны идэвхтэн, сонгуультнууд хуралдаж, гишүүдийнхээ хөдөлмөрлөх эрх ашгийг хамгаалах, ҮЭ-ийн байгууллагад хуулиар олгосон эрхээ эдлэх, уг тэмцлийн үйл ажиллагааг амжилтанд хүргэх зорилгоор ҮЭ-ийн бүх шатандаа тэмцэл зохион байгуулахаар шийдвэрлэсэн.

Хамгийн түрүүнд цуглаан хийнэ гэдгээ мэдэгдсэн багш нарт жагсаж, цуглах албан ёсны зөвшөөрлийг нь өнөөдөр олгосон байна. Тиймээс багш нар маргааш 11.30-14.30 цагийн хооронд тайван жагсах нь.