“Softline Day-2017” Олон улсын мэдээлэл технологийн анхдугаар чуулга, уулзалт 10-р сарын 10-ны өдөр Corporate Convention Centre-д амжилттай зохион байгуулагдаж өндөрлөлөө. Тус чуулганыг олон улсын мэдээлэл технологийн шийдэл, үйлчилгээ үзүүлэгч“Softline” компанийн монгол дахь төлөөлөгчийн газар болох “Softline Asia” компанийн 10 жилийн ойн хүрээнд зохион явуулсан юм.

Чуулганаар гадаадын экспертүүдийн лекц, семинарыг шууд орчуулгатайгаар зочдод хүргэж, демо-нээлттэй үзэсгэлэнг дэлгэн танилцуулжээ. Мөн Oracle, Microsoft, Kaspersky Lab, Positive Technologies, Ivanti, Indeed, Huawei, Commvault, Bolorsoft зэрэг гадаад дотоодын томоохон үйлдвэрлэгчид уригдан оролцсоноороо онцлогтой.

Төлөөлөгчид олон улсын мэдээлэл технологийн хөгжлийн чиг хандлага, Үүлэн технологийн шилжилт, Программ хангамжийн удирдлага, Кибер аюулгүй байдлын шилдэг туршлагууд, Дэд бүтэц, платформын үйлчилгээ, Мэдээллийн аюулгүй байдал зэрэг чухал сэдвүүдийн олон улсад хэрэгжсэн туршлагаас хуваалцаж Монголын байгууллагуудад хэрхэн хэрэгжих боломжтой талаар туршлага солилцсон ажээ.

Мэдээлэл технологийн салбарын хөгжилд бодит нэмэр оруулах “Softline Day” олон улсын чуулган цаашид жил бүр уламжлал болон зохиогдохыг дуулгасан юм.