Өнгөрсөн тавдугаар сарын сүүлээс эхлэн энэ сарын тавны өдөр хүртэл Гуравдугаар амаржих газарт их засвар хийгдэхээр болж тус амариж газарт төрөх ёстой эхчүүдийг Нэгдүгээр амаржих газарт хүлээн авах бослноор энэ эмнэлэг өнөөдөр ачааллаа даахаа байж асуудал тун хүнд байдалд ороод байсан. Гэтэл төлөвлөсөн ёсоор их засварын ажил долдугаар сарын тавны өдөр дууссан ч Гуравдугаар амаржих газар өнөөдрийг хүртэл төрөх эхчүүдээ хүлээж авалгүй сул зогсолтын байдалтай байсан билээ. Мэргэжлийн хяналтын газарын шалгалтаар шаардлага хангахгүй олон зөрчил илэрч тус амаржих газрын ийн сул зогсоход хүргээд байсан бол харин өнөөдөр 12.00 цагт хэвийн үйл ажиллагаанл оруулах шийдвэрийг холбогдох албаныхан нь гаргасан бололтой. Хэдийгээр 12.00 цагаас эхлэн Гуравдугаар амаржих газар хэвийн ажиллахаар болсон ч гэлээ Нэгдүгээр амаржих газрын ачаалал энэ долоо хоногтоо буурахгүй гэнэ. Учир нь нэгэнт хэвтэж байгаа болохоор хэвтэхээр ирсэн хүмүүсийг эмнэлэгээс эмнэлэг дамжуулах аргагүй учраас тэр ажээ.