Бидний нэрлэж заншснаар Урт цагааны гудамжны урт талбайг Жуулчны гудамж болгосоноос хойш даруй гурван жилийн хугацаа үлджээ. Урт цагааны урдах талбайг 12 метрийн өргөнтэй, 240 урт замыг 700 сая төгрөгөөр барихаар Барилга хот байгуулалт, төлөвлөлтийн газраас шийдсэн учраас нүүлгэхээр болсон. Өнгөрсөн дөрөвдүгээр сарын 1 гэхэд тухайн газарт байсан гар урлалын бүтээгдэхүүн борлуулдаг павилонуудыг нүүх шаардлага өгсөн. Харин дээрх худалдаа эрхэлдэг хүмүүсийн хувьд павилонуудыг аль нэг газарт байрлуулж өгөхөөс нааш нүүхгүй хэмээн эсэргүүцсэн билээ. Юутай ч павилонуудыг нүүлгэж газрыг чөлөөлчихөж. Харин хаашаа нүүлгэсэн талаар Нийслэлийн аялал жуулчлалын газраас тодруулахад мэдэхгүй гэсэн хариултыг өглөө.