Сүхбаатарын гудамжны Байгалийн түүхийн музейн урд уулзвараас хойшхи замын хөдөлгөөнийг энэ сарын  27-ны оройноос эхлэн хаах гэж байна. Энэ хэсэгт “Наранбулаг Хан” ХХК 260 м авто замын шинэчлэл, борооны ус зайлуулах шугамын ажил хийх бөгөөд үүний зэрэгцээ дулааны шугам шинэчлэх болон цахилгаан, холбооны сувагчиллын ажлыг давхар хийхээр төлөвлөж байна. Уг замыг ирэх 8 дугаар сарын 2-нд нээхээр төлөвлөж байгаа ажээ.