Оросын алдарт теннисчин, загвар өмсөгч Анна Курникова болон Испанийн дуучин Энрике Иглесиас нар ихэр хүүхэдтэй болжээ. Анна Курниковаг жирэмсэн гэдгийг ч мэдээлээгүй байсан хэвлэлийнхний хувьд энэ бол жинхэнэ сенсааци мэдээ байв. Хосууд 15 жил хамт амьдарч байгаа ч тэдний салалтын тухай нэг бус удаа мэдээлсэн билээ. Харин хосууд аав ээж болсноо албан ёсоор зарласнаар салалтын тухай элдэв мэдээлэлд цэг тавив. Анна Курникова Майами хотын нэгэн эмнэлэгт төржээ. Ихрүүдийн хүүг Николас, охиныг Люси хэмээн нэрлэсэн бөгөөд Анна 36 насандаа ээж болсон байна.