Орон сууцны зургаан хувийн хөнгөлөлттэй зээлийг иргэдэд Төрийн банкаар дамжуулж олгож байгаа юм. Уг хөнгөлөлттэй зээлийг өөрийн хөрөнгөөр эхлүүлэх ажилд Төрийн банк, Кампитал банк хоёр анх оролцсон. Капитал банк 5-10 тэрбум төгрөгийн өөрийн хөрөнгийн эх үүсвэрээ гаргаж, эхний санхүүжилтийг хийх бололцоотой. Цаашид “100 мянган айлын орон сууц хөтөлбөр”-ийг хэрэгжүүлэхэд манай банк оролцох сонирхолтой байна гэсэн хүсэлтээ Сангийн сайдад өгсөн байна. Тиймээс өчигдрийн Засгийн газрын хуралдаанаар зургаан хувийн хүүтэй хөнгөлөлттэй зээлийг Хөгжлийн банкнаас гарсан эх үүсвэрээс дамжуулж санхүүжүүлэх ажилд Капитал банкийг оруулах шийдвэр гаргалаа. Ингэснээр Монгол Улсын хэмжээнд хоёр банк “100 мянган айлын орон сууц хөтөлбөр”-ийн хүрээнд зургаан хувийн хүүтэй хөнгөлөлттэй зээлийг олгоно.