Доллар (USD)

Улаанбаатар

Доктор Ж.Чинбүрэн даваа гарагт эх орондоо ирнэ


ХСҮТ-ийн ерөнхий захирал, доктор Ж.Чинбүрэн Францын мэс заслын академийн хүндэт гишүүнээр өргөмжлөгдөж, өчигдөр батламжаа гардан авчээ. Тэрээр Ази тивээс тус академийн хүндэт гишүүнээр өргөмжлөгдсөн 4 дэх хүн нь болж буй юм. Ж.Чинбүрэн Монгол, Казахстан улсад Францын мэс заслыг хөгжүүлж, тус улсын мэс заслын уламжлалыг Монгол Улсад нутагшуулан дэлхийд таниулж байгаа тул энэхүү хүндэт өргөмжлөлийг хүртсэн байна. Францын мэс заслын академи нь Дэлхийн хамгийн эртний шинжлэх ухааны академуудын нэг бөгөөд тус академийн хүндэт гишүүн болсноор байгууллагын дотоод үйл ажиллагаанд оролцох, академийн тэргүүн болон зөвлөлийн гишүүдийг сонгох эрхтэй болдгоороо онцлог аж.

 Монголдоо "элэгний" гэж алдаршсан Ж.Чинбүрэн докторын ур чадвар, нөр их хөдөлмөрийг дэлхийн хэмжээнд хүлээн зөвшөөрч, дэлхийд данстай мэс засалч болохыг нь ийнхүү баталгаажуулжээ. Монголын мэс засалчдын дундаас анх удаа дэлхийд нэр хүндтэй академийн хүндэт гишүүнээр өргөмжлөгдсөн доктор Ж.Чинбүрэн энэ сарын 15-нд эх орондоо ирэх нь.

0 Сэтгэгдэл
Хамгийн их уншсан