Нийслэл хот хаяагаа тэлэхийн зэрэгцээ байшин барилга олноор баригддаг ч эргэн тойрны орчны тохижилтод анхаарах асуудал тулгамдаад байгааг хэн хүнгүй хэлдэг. Хүүхэд хөгшдийн тоглох талбай дутмаг байгаа нь энэ асуудал анхаарлаас орхигдсон мэт. Харин Баянзүрх дүүргийн нэгдүгээр хороо буюу Сансарын тунелийн дээр хөгшид хүүхдүүдэд зориулсан бялдаржуулах чийрэгжүүлэх талбайг дүүргийн Тамгын газраас байгуулжээ.  Өнөөдөр тохижилтын ажлын нээлтээ хийлээ. Бусад дүүргээсээ тохижилтын ажлаараа дээгүүрт ордог Баянзүрх дүүрэг бүтээн байгуулалтын ажлуудаа эхнээс нь иргэддээ ийн хүлээлгэн өгөөд эхэлсэн байна. Баянзүрх дүүрэг 2012 оныг хөрөнгө оруулалт иргэдийн оролцоог нэмэгдүүлэх жил болгон зарласан бөгөөд дүүрэгт хийгдэж байгаа тохижилтын ажлуудыг иргэдийн санал, хүсэлтийн дагуу хийж байгаагаараа онцлог гэнэ.