Умард Солонгосын удирдагч Ким Чен Уны гэргий 27 настай гэргий Ли Соль Ю төрийн “Сүүн зам” оркестрт дуулж байсан юм байна. Энэ үеэрээ улсынхаа тэргүүн хатагтай болох бэлтгэлийг хагас жил хэртэй хийжээ.
Умардын залуу удирдагч ирээдүйн гэргийтэйгээ 2010 оны шинэ жилийн үдэш эцэгтэйгээ шинэ жилийн концерт үзэхээр ирсэн үеэр нь дурлалцсан гэж өмнөд Солонгосын  "The Chosunilbo" сонин бичсэн байна. Бүсгүй тэр үед “Цэргийн алхаа”, “Морь адил агуу эмэгтэй”, “Би Пеньянд хайртай”  гэсэн улсдаа хит болсон дуу дуулдаг байж. Гэхдээ "The Korea Times" сонины баталж байгаагаар залуу удирдагч Ким энэ бүсгүйтэй бүр 2009 онд гэрлэж, нэг жилийн дараа хүүхэд төрүүлсэн гэж байгаа юм.
Хамгийн гол нь өчигдөр Солонгосыг нэгтгэх асуудлаарх сайд Ю Ву Икха БНАСАУ-ын Үндэсний телевизээр энэ эмэгтэй бол умардын удирдагчийн гэргий гэж мэдэгджээ.