Сар шинийн баяр дөхөж байгаатай холбоотойгоор орон нутгаас нийслэл хотыг чиглэсэн хөдөлгөөн болон томоохон зах, худалдааны төв рүү чиглэсэн иргэд, тээврийн хэрэгслийн хөдөлгөөний ачаалал эрс нэмэгдэж ачаалал үүсдэг. Энэ түгжрэлийг бууруулах зорилгоор Нийслэлийн Засаг даргын 2018 оны 01-р сарын 25-ны өдрийн А/71 дугаарт захирамжийн дагуу иргэдийг түргэн шуурхай, аюулгүй зорчуулахаар тээврийн хэрэгслүүдийг бямба, ням гарагт тэгш сондгойгоор нь явуулж байгаа. Тиймээс маргааш автомашины улсын дугаарын сүүлчийн орон нь тэгш буюу 0,2,4,6,8-аар төгссөн, нөгөөдөр 1,3,5,7,9-өөр төгссөн тээврийн хэрэгслүүд замын хөдөлгөөнд оролцох юм.