Их Британы Норвичийн анагаахын сургуулийн эрдэмтэн Эндрю Харт нь нойр булчирхайн хорт хавдар үүсэхээс сэргийлэх нөлөөтэй бүтээгдэхүүнүүдийн жагсаалтыг гаргажээ.

Уг жагсаалтанд багтсан бүтээгдэхүүнүүд нь Е витамин, С витамин, селен гэх мэт антиоксидантуудаар баялаг. Антиоксидантууд нь эсүүдийг чөлөөт радикалуудаар гэмтээгдэхээс хамгаалаж байдаг маш чухал нөлөөтэй юм.

Ер нь онолын хувьд антиоксидантууд нь өмөн буюу хорт хавдрын 12 тохиолдлын нэгээс нь бүрэн сэргийлэх чадваратай гэж үздэг. Ингээд эрдэмтэд 40-74 насны 23 мянга 500 хүний хоолны дэглэмд дүн шинжилгээ хийхэд 10 жилийн дотор тэдний 49 нь хорт хавдартай болсон байна. Гэхдээ мэдээж зүгээр нэг ажиглалт хийсэнгүй дээрх хүмүүстэй харьцуулсан жишилт хийх 4000 хүн авчээ.

Улмаар селен орсон бүтээгдэхүүн түлхүү хэрэглэж байан хүмүүс нь хяналтын бүлгийн хүмүүстэй харьцуулахад хорт хавдар тусах тохиолдол нь 50% бага байсан байна. Цаашилбал, хүнсний бүтээгдэхүүн дэх Е ба С амин дэмийн хэмжээ их байсан тохиолдолд хорт хавдраар өвдөх эрсдэл 67% багасч байжээ.

Энэхүү судалгааны онцлог нь гэвэл хүнсний нэмэлт бүтээгдэхүүн, нэмэлт эм хэрэглэлгүйгээр зөвхөн хүнсний бүтээгдэхүүнд агуулагдаж байгаа амин дэмийг тооцсон явдал юм.