Ерөнхий сайд болох эрхээ намынхаа нөхдөөс аваад байгаа Н.Алтанхуяг гишүүн төрийн хамгаалалтад хэдий нь оржээ. Хэдийгээр тэрээр албан ёсоор Ерөнхий сайд болоогүй байгаа ч гэсэн төрийн хамгаалалтынхан хамгаалалтанд багтсан байлаа. Төрийн гурван өндөрлөг болох Ерөнхийлөгч, УИХ-ын дарга, Ерөнхий сайд нар төрийн хамгаалалтад багтдаг билээ. Н.Алтанхуяг гишүүн удахгүй байгуулах Засгийн газраа иргэдэд нээлттэй байлгах гэнэ. Тиймээс 11-11 дугаарын утас ажиллуулахаар төлөвлөөд байгаа аж. Энэхүү утсаар иргэд Засгийн газрын үйл ажиллагаанд үнэлэлт дүгнэлт өгч, санал бодлоо солилцох боломжтой болох аж.