АНУ-ын Цагдаагийнхан олон нийтийн сүлжээнд легогоор буу хийж, буутай лего цэрэг цуглуулсан тухайгаа нийтэлсэн хүүг баривчилсан байна. 14 настай хүү Флоридад халдлага үйлдэж, олон хүний аминд хүрсэн Николас Крузын барьж байсан AR-15 бууг легогоор дүрслэн хийгээд тоглоомон бууныхаа зургийн дор “ Маргааш сургуульдаа битгий ирээрэй” хэмээн бичсэн байжээ.

Харин Сан-Диего хотын цагдаагийн газраас хүүг террорист халдлага үйлдэх эрсдэлтэй гэж үзсэн учраас баривчилсан гэжээ. Цагдаагийнхан хүүг ангийн буутай байсан хэмээн мэдэгдэж байгаа бөгөөд одоогоор насанд хүрээгүйчүүдийн түр саатуулан хорих газар хориод байгаа гэнэ. Флоридад өнгөрсөн сарын 14-нд өсвөр насны хүү сургуульдаа буутай ирж халдлага үйлдсэний улмаас 17 хүн нас барж, 14 хүн шархадсан билээ. Николас Крузыг цагдаагийнхан амиа хорлохоор завдаж байхад нь баривчилсан байна.