ОХУ-ын төвийн гаалийн газрын удирдлагууд Улаанбаатар дахь Гаалийн газрын үйл ажиллагаатай танилцаж, харилцан туршлага солилцлоо. Уг уулзалтаар хоёр тал мэдээлэл солилцож, цаашдаа ямар чиглэлээр хэрхэн хамтран ажиллахаа ч ярилцжээ. Энэхүү уулзалтад УГГ-ын дарга С.Цэцэгээ, орлогч дарга Н.Энхцогт оролцсон бол ОХУ-аас Төвийн гаалийн газрын дарга С.Н.Прусов, Олон нийттэй харилцах хэлтсийн дарга Е.Н.Анчипорова, Гаалийн дотоод хяналт-зохион байгуулалтын албаны дарга Е.А.Ботов, даргын туслах О.А.Костин нарын төлөөлөгч иржээ. Улаанбаатар дахь Гаалийн газар манай улсын гадаад худалдааны гуравны хоёрыг дангаараа хариуцдаг томоохон байгууллагын нэг аж.