Монголд ирэх жуулчдын тоог нэмэгдүүлнэ хэмээн жил бүр л ярьдаг. Засгийн газар 2020 онд жилд нэг сая жуулчин хүлээж авч нэг тэрбум ам.долларын орлого олдог болно хэмээн зорилт дэвшүүлээд буй. Жуулчдын хамгийн их ирдэг үе нь долдугаар сар. Учир нь Монгол наадам үзэх сонирхолтой байдаг. Тэгвэл Өнгөрсөн онд 470 мянган жуулчин хүлээж авсан мэдээлэл бий. Ингээд аялал жуулчлалаас 400 сая ам.доллар олсон нь орлого 20 хувиар өссөн үзүүлэлт гэнэ. Энэ онд мөн хэмжээний жуулчин хүлээн авч орлого өснө гэсэн хүлээлт байна.