Монгол дахь цорын ганц олон улсын худалдааны төв гэгддэг “Нарантуул” -ын газар ашиглах гэрээ саяхан дууссан. Хоёр жилийн өмнө тус худалдааны төвийг хотын зах руу нүүлгэнэ гэсэн яриа гарч байсан. Гэтэл тус худалдааны төв газар ашиглах гэрээгээ сунгажээ. Нийслэлийн Ба­рил­га Хот Байгуулалт Тө­лөв­­­лөлтийн газрын хэв­лэл мэдээллийн ажилтан Б.Ду­лам­сүрэнгээс энэ талаар тод­руулахад “Нарантуул худал­дааны төвийг нүүлгэхгүй. Нийслэлийн Газрын албанаас манайд тус худалдааны төвийн газар ашиглах гэрээг 25 жилээр сунгасан гэж мэдээ ирүүлсэн. Нүүлгэх тухай ярьсан ч хувийн өмч болохоор бид яаж ч чадахгүй” гэсэн хариу өглөө. Гэхдээ, дээр нь байгаа нь хувийн өмч гэхэд газар нь улсын өмч л баймаар. Уг нь, эрэг нь усаа хашиж, эзэн нь юм аа мэддэг гэдэг сайхан үг бий л юмсан.