Стратегийн ач холбогдол бүхий Нарийнсухайт, Тавантолгойн чулуун нүүрсний орд, Шивээ-Овоо, Багануурын хүрэн нүүрсний орд, Цагаан суварга, Эрдэнэтийн зэс, молибдений орд, Бүрэнхааны фосфоритын ордын талбайн хил заагийг хавсралтаар батлажээ. 

Стратегийн ордуудын хил хязгаарыг нарийвчлан  тогтоох ажлыг  өнөөг хүртэл эцэслэж чадаагүй байна. Тухайлбал, Оюутолгой, Тавантолгой ордуудын нөөц  тодорхой хэмжээгээр  лицензтэй талбай дотроо бүртгэгдсэн байгаа. Өөрөөр хэлбэл яг энэ хэсэг нь стратегийн орд,  үүнээс гаднах нь  стратегид хамрагдахгүй гэдгийг эцэслэн тогтоож  чадаагүй хэмээн Ашигт малтмал, газрын тосны газраас мэдээлж байсан билээ.