“Сайншанд аж үйлдвэрийн цогцолбор” төслийн тендерт шалгарсан АНУ-ын  “Бектел” компани болон ҮХШХ тайлангаа маргааш тавих нь ээ. 2011 оны тавдугаар дугаар сарын 27-нд зургаан сарын хугацаатайгаар хамтран ажиллах гэрээг байгуулсан тус зөвлөх компани нь “Сайншанд аж үйлдвэрийн цогцолбор” төслийн мастер төлөвлөгөө, төлөвлөгөөнд тусгагдсан  “Коксын үйлдвэр”, “Хар төмөрлөгийн үйлдвэр”,“Нүүрс хийжүүлэх үйлдвэр”, “Зэс хайлуулах үйлдвэр”, “Цементийн үйлдвэр”-үүдийн эдийн засгийн тооцоо, дэд бүтцийн болон нийгмийн байгууламжийн хэрэгцээ, төлөвлөлт, ажиллах хүчний судалгааг боловсруулсан юм. Хүнд үйлдвэрлэлийг хөгжүүлэх суурь болсон “Сайншанд аж үйлдвэрийн цогцолбор”-ыг байгуулснаар дэвшилтэт техник, өндөр технологи нэвтэрч Монгол Улсын өрсөлдөх чадвар нэмэгдэх юм.