"Шинэ бүтээн байгуулалт" хөтөлбөрийн хүрээнд Хөгжлийн банкны санхүүжилтээр баригдаж буй Сэлбийн хос гүүрний ажлын явц 15 хувьтай байгаа ажээ. Дам нурууны цутгалтыг өнөөдрөөс хийж эхлээд байгаа бөгөөд суурийн котлованыг ухаж, ул бетоны ажлыг хийх юм байна. Мөн захын тулгуурын хүчитгэл хийж, дам нурууны 40 каркасыг бэлэн болгосон тухай Авто замын газрын мэргэжилтэн ярьж байна. Гүүрний нэг урсгалын өргөн долоон метр байсныг 11 метр болгон өргөтгөж байгаа юм. Урд гүүрийг 9 сарын 07-нд нээгдэх бөгөөд гүйцэтгэгчээр нь "Мотор Сервис" ХХК ажиллаж байгаа ажээ.