Энэ жил манай улсад бүтээн байгуулалтын олон ажил өрнөж буй. Энэ хүрээнд “Хөгжлийн банк”-наас санхүүжилттэй “100 мянган айлын орон сууц” хөтөлбөр, томоохон замын ажлын мөнгө нь дутуу эсвэл орж ирэхгүйгээс эхэлж чадахгүй байна хэмээн холбогдох байгууллагууд нь мэдээлж байсан. Харин эл мэдээллийг Хөгжлийн банкны удирдлагууд үгүйсгэж байна. Тэд “Хөгжлийн банкинд мөнгө байхгүйгээс санхүүжилт өгөхгүй байгаа зүйл байхгүй. Манайхаас санхүүжилтээ авдаг төсөл, хөтөлбөр олон учраас жаахан саатах зүйл гардаг. Тэрнээс мөнгө байхгүй гэдэг нь ташаа мэдээлэл” гэв.