Клиникийн I амаржих газрын өргөтгөлийн барилгын ажил 70 хувьтай явж байгаа талаар Нийслэлийн Хөрөнгө оруулалтын газраас мэдээлэв. Уг барилга баригдсанаар эмэгтэйчүүдийн 100 ор, эмгэг нярайн 50 ортой орчин үеийн техник тоног төхөөрөмж бүхий эмнэлэг ашиглалтад орох юм. Нийт зургаан тэрбум 283 сая төгрөгөөр сүндэрлэж буй барилгын ажил хугацаандаа амжсангүй. Төлөвлөгөө ёсоор барилгын ажил өнгөрсөн зургадугаар сарын 5-нд дуусах байсан юм. Ямартай ч есдүгээр сарын 15-нд ашиглалтад өгөхөөр болжээ.