“Шинэ орон сууц-2012” барилгын үзэсгэлэн энэ сарын 17-19-нд болно.  Барилгын мэдээлэл, судалгаа, сурталчилгааны “Координат инфо” төвөөс зохион байгуулах уг үзэсгэлэнд орон сууц болон амины хаус барьдаг компаниуд оролцохын зэрэгцээ банк, санхүү болон даатгалын байгууллага оролцож, иргэдэд цогц мэдээлэл, үйлчилгээ үзүүлэх юм байна. Мөн үзэсгэлэнгийн үеэр орон сууцны барилгын үнэ, байршлын мэдээллийг танилцуулах бол ЗТБХБЯ-наас орон сууцны талбайн хэмжээг хэрхэн тооцох, орон сууц захиалах гэрээний нөхцөлд анхаарах зүйлийн талаар мэдээлэл, зөвлөгөө өгөх аж.