Билгийн

Доллар (USD)

Улаанбаатар

Патрик Шэнахэн АНУ-ын Батлан хамгаалахын сайдаар томилогдлоо

 

 

АНУ-ын Батлан хамгаалахын сайдаар Патрик Шэнахэн томилогдлоо. АНУ-ын Ерөнхийлөгч Доналд Трамп Твиттер хуудсандаа энэ талаар бичсэн байна. Патрик Шэнахэн өмнө нь Батлан хамгаалахын сайдын нэгдүгээр орлогчоор ажиллаж байсан юм.

Шинэ сайд албан ажилдаа ирэх нэгдүгээр сарын 1-нээс орно гэж Д.Трамп бичсэн байна. Ажил үүргээ сайн хийнэ гэж найдаж байгаагаа мөн илэрхийлжээ.

Патрик Шэнахэн нь “Boeing” компанид удирдах албан тушаал хашдаг бөгөөд 1986 онд тус компанид орсноосоо хойш иргэний болон цэргийн олон төслийг гардан хэрэгжүүлж байв. Тэрээр 2017 оны зун Батлан хамгаалахын сайдын нэгдүгээр орлогчоор томилогдсон юм.

АНУ-ын Батлан хамгаалахын сайд Жеймс Мэттис халагдах өргөдлөө энэ сарын 20-ны өдөр өгсөн. Өргөдлөөс харахад тэрээр Ерөнхийлөгчтэй бодлого зөрөлдсөний улмаас ажлаа өгч байгаа нь тодорхой ойлгогдож байсан хэмээн хэвлэлүүдэд бичиж байна.   

0 Сэтгэгдэл
Хамгийн их уншсан