Монгол улсын статистикийн мэдээллийн сангийн менежмент, үйлчилгээний систем болох www.1212.mn нээлт маргааш  болох гэж байна. Нээлтийн арга хэмжээнд ҮСХ-ын Дарга С.Мэндсайхан болон БНСУ-ын Статистикийн газрын дэд дарга Жеонгбон Же, БНСУ-аас Монгол улсад суугаа элчин сайд Ли Тэ Ру нар оролцох юм. Нээлт Улаанбаатар зочид буудлын Хөх Асар танхимд болно. Монгол Улсын нийгэм эдийн засгийн байдлыг харуулсан уг сайтаас хүн бүр хүссэн мэдээллээ хурдан шуурхай чирэгдэлгүй авч болох юм.