Өнгөрсөн 2017 онд зэсийн ханш 7000 ам.доллар давж байсан бол сүүлийн саруудад тасралтгүй буурч, өнөөдрийн байдлаар Лондонгийн металлын биржид зэсийн ханш 5987 ам.доллар байна. 

Харин Засгийн газраас 2019 оны төсөвт зэсийн үнийг дунджаар 6272 ам.доллар байхаар тооцоод байгаа. Үүний дагуу, манай улс 1.4 сая тн зэс экспортолж 1.3 их наяд төгрөгийн орлого олно гэж төсөөлөөд байгаа юм.

Манай улсын хувьд өнгөрсөн жил 1,4 сая тонныг үйлдвэрлэж, үйлдвэрлэлийн хэмжээгээр дэлхийд 15 дугаар байрт жагсаж, дэлхийн зэсийн баяжмалын үйлдвэрлэлийн 1.9 хувийг бүрдүүлсэн байдаг.