Хятадын эрх баригчид орон нутгийн компаний ажилтнуудад цалингийнхаа 30 хүртэлх хувийг өөрийн ажил олгогч компаний хувьцаагаар авахыг зөвшөөрлөө. Ингэхдээ тухайн хувьцаа нь заавал бирж дээр арилжигддаг байх ёстой ажээ. Үүнээс гадны компаниуд нь ажилтнууддаа хувьцааг цалин хэлбэрээр өгөхийн тухайн хувьцааг хоёрдогч зах зээл дээрээс худалдан авсан байх ёстой. Мөн цалингийн нэг хэсгээ хувьцаагаар авсан бол цаашид гурван жилийн турш өөртөө байлгах ёстой бөгөөд ажилтнууд нь арилжигдаж байгаа хувьцааны 10%-аас илүүгүйг авах боломжтой. Ажилтнуудад хувьцааг шилжүүлэх хөтөлбөрийг үнэт цаасны арилжааны компаниуд гэх мэт гуравдагч талууд удирдан хянах ёстой юм байна.

Энэ хөтөлбөр нь  иргэдийн зүгээс үндэснийхээ хөрөнгийн биржид итгэх итгэлийг нэмэгдүүлэх Хятад -ын эрх баригчдын хэрэгжүүлж байгаа шат дараалсан арга хэмжээний нэг нь ажээ. Үүнээс өмнө хөрөнгийн бирж дээр хийгдэж байгаа арилжаанаас авах шимтгэлийг буруулсан. Мөн хувьцааны биржийн гадуурх арилжааны горимын туршилтын хугацааг сунгасан, өндөр эрсдэлтэй үнэт цаасыг нээлттэй арилжаанд оруулалгүйгээр хөрөнгө оруулагчдад шууд санал болгох хөтөлбөрийг ажиллуулж эхлүүлсэн байна.