УИХ-ын гишүүн Л.Болдыг өөрийн эзэмшлийн “Богд” банкиндаа Хөгжлийн банкнаас найман сая ам.долларыг гаргуулж, харилцах дээр авсан мэдээллийг УИХ-ын гишүүн Ж.Мөнхбат мэдээлсэн. Тэгвэл уг мэдээлэлтэй холбоотойгоор УИХ-ын гишүүн Л.Болд тайлбар хийлээ. “Сүүлийн үед улс төрийн нөхцөл байдлаас шалтгаалан УИХ-ын гишүүн Л.Болд миний ажил хэргийн нэр төр, алдар хүндэд халдах явдал тасралтгүй гарч байна. Үүний нэг болох УИХ-ын гишүүн Ж.Мөнхбат “УИХ-ын гишүүн Л.Болд Хөгжлийн банкнаас Богд банкинд 30 тэрбум төгрөг хүүгүй зээлсэн” хэмээх утга бүхий гүтгэлгийг удаа дараа улс төрийн хэрэгсэл болгон ашигласаар байна. 
Ингэхдээ “Монгол Улсын Ерөнхий сайд У.Хүрэлсүхийн Засгийн газрыг огцруулахын эсрэг санал өгснийхөө шагналд УИХ-ын гишүүн Л.Болд Хөгжлийн банкнаас 30 тэрбум төгрөг авч Богд банкинд шилжүүлсэн” гэсэн утга бүхий гүтгэлгийг УИХ-ын гишүүн Ж.Мөнхбат нь УИХ-ын чуулганы нэгдсэн хуралдаан, байнгын хорооны хуралдаан болон хэвлэлийн хуралд олон нийтийн өмнө удаа дараа (хавсралт) тараасаар байна. 
Энэхүү гүтгэлэгт дурдагдаж байгаа Та болон таны Засгийн газартай холбоотой асуудал үнэн эсэх талаархи албан ёсны тайлбараа яаралтай УИХ-ын чуулганы хуралдаанд танилцуулахыг Ерөнхий сайд Ухнаагийн Хүрэлсүх танаас шаардаж байна” гэлээ.