Нийслэлд төрөхийн эмнэлгээс гадна эрүүл мэндийн тусламж үйлчилгээ үзүүлдэг эмнэлгийн тоог нэмэх шаардлагатай байна хэмээн эрүүл мэндийн салбарынхан хэлж буй. Учир нь, ачаалал нь эрс нэмэгдсэнээс дугаар тараадаг болсон ч гэлээ ажлаа зохицуулан ирээд үзүүлж чадсангүй хэмээн гомдоллох иргэд олонтаа байдаг аж. Эрүүл мэндийн статистикийн судалгаагаар хотын эмнэлгүүдэд өдөрт дунджаар 859 хүн хандан эрүүл мэндийн тусламж үйлчилгээ авдаг гэнэ. Тиймээс өдрөөс өдөрт хүн ам нь өсч буй нийслэлд эрүүл мэндийн тусламж үйлчилгээ үзүүлэх эмнэлгийн тоог нэмэх хэрэгтэй гэж үзэж буй нь энэ аж. Гэхдээ төрөх болон хүүхдийн өвчлөл өсч байгаа энэ үед эхлээд төрөх, хүүхдийн нэгдсэн эмнэлгийн нэн даруй барих шаардлагатай барилгын жагсаалтад багтаж буй.