Засгийн газрын тухай хуулийн “Засгийн газар танхимын зарчмаар ажиллана”, “Засгийн газар, шийдвэр, мэдээлэл гаргах, албан ёсны байр сууриа илэрхийлэхдээ Ерөнхий сайдын бодлогыг баримтална” гэсэн заалтыг зөрчсөн хэмээн үзэж БСШУС-ын сайд Ц.Цогзолмааг огцруулах саналыг Ерөнхий сайд У.Хүрэлсүх өнгөрсөн арванхоёрдугаар сарын 04-нд УИХ-д өргөн мэдүүлсэн. Үүний дагуу УИХ-ын Нийгмийн бодлого, боловсрол, соёл, шинжлэх ухааны байнгын хороо хуралдаж БСШУС-ын сайд Ц.Цогзолмааг огцруулах асуудлыг хэлэлцэж, хуралдаанд оролцсон гишүүдийн 66.7 хувь БСШУС-ын сайдыг огцруулахыг дэмжсэн байдаг юм. Тэгвэл энэхүү асуудлыг өнөөдрийн үдээс хойшхи чуулганы хуралдаанаар хэлэлцэв. Гишүүдийн олонхи дэмжсэн учир түүнийг өнөөдрөөс эхлэн БСШУС-ын сайдаас нь албан ёсоор огцрууллаа.
